20 Di den Israelsma yere taki Yerobeyam drai kon baka, dan wantewante den seni kari en fu kon na a konmakandra di den ben o hori nanga a pipel. Dan den poti en leki kownu fu Israel.+ Boiti a lo fu Yuda, nowan tra lo fu Israel horibaka gi den bakapikin fu David.+

16 Di a pipel fu Israel si taki Kownu Rehabeyam no ben wani du san den aksi en, den piki en: „Wi no wani abi noti fu du nanga David.+ A manpikin fu Isai+ no o prati nowan gudu nanga wi. Israel, un go anbegi un eigi gado,+ ibriwan fu unu. Sobun, David,+ sorgu yu osofamiri yu srefi!” Baka dati den Israelsma go na den oso.