28 Fu dati ede Kownu Yerobeyam taki nanga den raiman+ fu en èn a meki tu pikin kaw fu gowtu.+ A taigi a pipel: „A hebi tumusi gi unu fu go na Yerusalem. Pipel fu Israel, disi na un Gado+ di tyari unu komoto fu a kondre Egepte.”+

8 Now un kon dyaso nanga wan bigi ipi sma+ èn un abi den gowtu pikin kaw di Yerobeyam meki fu unu anbegi den leki gado.+ Un no musu prakseri taki den sani disi kan yepi unu fu feti nanga a kownukondre fu Yehovah, di den bakapikin fu David e tiri.+