16 Na so den sondu fu Manase meki taki den sma fu Yuda du sani di Yehovah no feni bun.+ Boiti dati, Manase kiri+ bun furu sma tu di no du noti. A kiri so furu sma taki a brudu fu den ben kan furu heri Yerusalem.

26 Ma toku den sani di Yosia du no kowru na atibron fu Yehovah, fu di Gado ati ben bron srefisrefi nanga den sma fu Yuda.+ Na den sani di Manase du ben meki taki den sma fu Yuda du sani di ben meki Gado ati bron.+

11 Te fu kaba Yehovah meki den legre-edeman fu a legre fu a kownu fu Asiria+ hari go feti nanga a pipel fu Israel.+ Na so den man disi grabu Manase, di ben go kibri na ini wan bergi-olo.+ Den fasi en futu+ nanga tu kopro bui, dan den tyari en go na Babilon.

13 Manase tan begi Gado èn te fu kaba Gado poti prakseri na den begi fu en.+ A arki Manase di a aksi en fu abi sari-ati nanga en èn a meki Manase drai go na Yerusalem pe a bigin tiri baka leki kownu.+ Na so Manase kon sabi taki Yehovah na a tru Gado.+