14 Di den kaba du a wroko fu den, den tyari a moni di ben tan abra go baka gi Kownu Yoas nanga Priester Yoyada. Baka dati den meki wrokosani gi na oso fu Yehovah, wrokosani gi den difrenti wroko+ di ben musu du nanga wrokosani fu tyari ofrandi.+ Boiti dati, den meki kan nanga tra wrokosani fu gowtu+ nanga solfru. A heri pisi ten di Yoyada ben de na libi, sma tyari ofrandi+ na ini na oso fu Yehovah. Den ben du disi doronomo.

18 A kownu fu den Kaldeyasma teki ala den wrokosani,+ iya, den bigi sani+ nanga den pikin sani, puru na ini na oso fu a tru Gado. Boiti den sani disi, a teki den gudu+ fu na oso fu Yehovah nanga den gudu fu Kownu+ èn fu den granman fu en. Dan a tyari ala den sani disi go na Babilon.

11 Ala nanga ala, yu ben abi feifi dusun fo hondro wrokosani fu gowtu nanga solfru. Ala den wrokosani disi Sesbasar+ tyari gowe di den katiboman komoto+ na Babilon go na Yerusalem.

2 Fu di a win ben go na Belsasar ede,+ meki a ben taigi sma fu tyari den gowtu nanga solfru kan kon,+ di en papa* Nebukadnesar ben puru na ini a tempel na Yerusalem. Na so fasi en nanga den heihei man fu en, den wefi fu en nanga den tra uma fu en, ben kan dringi na ini den kan disi.+