7 Ma Yehovah taigi Samuel: „No luku fa a de, noso fa a langa,+ bika a no en mi wani. Gado no e si sani soleki fa libisma e si sani,+ bika libisma e si soso san na ai e si.+ Ma Yehovah e si fa na ati+ de.”

17 Mi Gado, mi sabi taki yu e ondrosuku sma ati+ èn yu breiti te sma e du sani nanga wan krin ati.+ We, mi gi ala den presenti disi nanga wan krin ati, fu di mi ben wani gi yu den. Now mi e prisiri fu si fa a pipel fu yu di de dyaso, e gi yu den eigi presenti tu.

3 A patu pe sma gwenti fu smèlter sani, na fu meki solfru kon soifri èn na onfu na fu meki gowtu kon soifri,+ ma Yehovah na a sma di e ondrosuku sma ati.+

23 Mi o kiri den pikin fu en nanga wan takru siki, so taki ala den gemeente o sabi taki mi na a sma di e ondrosuku den moro dipi prakseri* nanga na ati fu sma. Mi o pai ibriwan fu unu fu den sani di unu du.+