27 Dati meki Laban taigi en: „Mi e begi yu, tan nanga mi, bika di mi koti luku, mi kon si taki na fu yu ede Yehovah e blesi mi.”+

5 We, sensi a ten di Potifar poti Yosef fu luku en oso èn fu sorgu gi ala sani di a ben abi, Yehovah tan blesi na osofamiri fu na Egepte man fu Yosef ede. Yehovah blesi ala sani na ini Potifar oso èn na en gron.+

5 Amiyel ben de a di fu siksi. Isaskar ben de a di fu seibi. Peyuletai ben de a di fu aiti. Na so Gado ben blesi Obed-Edom.+

10 Dan den maksin fu yu o kon span+ èn nyun win o lai so te na ini den baki pe yu e masi droifi, taki a o abra a lanki.+

22 A blesi fu Yehovah, na dati e meki sma kon gudu+ èn a no e meki den firi sari.+

10 Ma grantangi, un luku san mi o du+ te unu teki a di fu tin pisi+ fu ala den sani di un musu tyari gi mi èn unu poti dati na ini den maksin, so taki nyanyan kan de na ini mi oso+ baka. Unu o si fa mi o opo den sroisi fu hemel,+ so taki blesi fadon leki alen gi unu. Mi o blesi unu so te, taki unu no o mankeri nowan sani”,+ na so Yehovah di e tiri den legre taki.