6 Gado taigi en tu: „Mi na a Gado fu yu papa, a Gado fu Abraham, a Gado fu Isak, èn a Gado fu Yakob.”+ Ne Moses tapu en fesi, fu di a ben e frede fu luku a tru Gado.

33 Mi o puru a kownukondre na en anu, fu di Israel gowe libi mi+ èn den go dini Astoret,+ na umagado fu den Sidonsma. Den go dini Kamos,+ a gado fu den Moabsma tu, nanga Milkom,+ a gado fu den Amonsma. Den trangayesi mi èn den no du san mi taki. Den no du leki David, a papa fu Salomo, bika David ben e hori den komando nanga den wèt fu mi. Ma den sma disi no du dati.

2 Fu dati ede Asaria go na Asa, dan a taigi en: „Asa nanga ala sma fu a lo fu Yuda èn fu a lo fu Benyamin, un arki mi! Yehovah o de nanga unu, solanga unu de nanga en.+ Efu unu suku+ en, a o meki unu feni en. Ma efu unu gowe libi en, a o gowe libi unu.+

13 ’Bika mi pipel du tu bigi ogri: Den gowe libi mi,+ a sma di abi a watra di e gi libi,+ èn den go diki watrabaki gi densrefi. Ma den watrabaki broko èn den no man hori watra.’