33 Disi na den man di David ben poti leki singiman, makandra nanga den manpikin fu den: Fu den Keihatsma yu ben abi a singiman Heiman,+ di ben de a manpikin fu Yoèl.+ Yoèl ben de a manpikin fu Samuel.+

17 Na so den Leifisma poti Heiman,+ Asaf,+ nanga Etan+ fu singi èn fu prei poku. Heiman ben de a manpikin fu Yoèl. Asaf ben de a manpikin fu Berekia. Etan ben de a manpikin fu Kusaya èn wan bakapikin fu Merari. Den alamala ben de famiriman.

6 Te den sma disi ben e singi na ini na oso fu Yehovah, dan a papa fu den ben e teki fesi. Den ben e prei gengen,+ harpu,+ nanga tra pokusani di gersi harpu.+ Na so den ben e du a wroko fu den na ini na oso fu a tru Gado.

Asaf, Yedutun, nanga Heiman+ ben e du san Kownu ben e taigi den fu du.