3 Ne Granpriester Eliasib+ nanga den tra priester opo go bow Skapu-portu.+ Baka dati den meki a portu+ dati kon santa, dan den poti doro gi en. Ne den meki a heri pisi dati kon santa te go miti Meya-toren,+ nanga Hananel-toren.+

6 Dan Yoyada, a manpikin fu Paseya, nanga Meisulam, a manpikin fu Besodya, meki a Portu fu na Owru Foto.+ Densrefi meki den postu fu a portu. Den anga den doro na den postu, dan den poti bowtu nanga stanga fu sroto den doro.+

13 Ne Hanun nanga den sma di e libi na Sanowa,+ bow a Lagipresi-portu.+ Di den meki a portu, dan densrefi anga den doro+ na den postu èn den poti bowtu+ nanga stanga fu sroto+ den doro. Baka dati den bow ete fo hondro fotenti na feifi meter fu a skotu te na Asisi-portu.+