2 Te Haman ben e pasa, dan ala den futuboi fu Kownu di ben de na a portu fu Kownu+ ben e saka kindi gi en èn den ben e boigi nanga den fesi go na gron, bika na dati Kownu ben taigi den fu du. Ma Mordekai no ben e saka kindi gi Haman èn a no ben e boigi nanga en fesi go na gron.+

14 Dan Haman en wefi Seres nanga den mati fu en taki: „Taigi sma fu meki wan postu+ di hei sowan tutenti na tu meter. Dan tamara mamanten+ yu musu taigi Kownu meki den anga Mordekai na a postu dati.+ Baka dati yu kan go nanga prisiri fu nyan a bigi nyanyan, makandra nanga Kownu.” Haman ben lobi a tori disi.+ Sobun, a taigi sma fu meki a postu.+

3 Boiti Kownu Ahasferos, a Dyu Mordekai ben de a moro prenspari man na ini a kondre+ èn den Dyu ben e si en leki wan bigi man. Furu fu den kondreman fu en ben lobi en. A ben e du bun gi en pipel èn a ben tyari freide+ kon gi ala den bakapikin fu den.