7 Meki den ogri sma libi den pasi fu den+ èn meki den sma di e du ogri, puru den takru prakseri fu den na den ede.+ Meki den drai go baka na Yehovah di o sori den sari-ati.+ Meki den drai go baka na wi Gado, bika a o gi den pardon nanga en heri ati.+

11 Taigi den: ’„Neleki fa a de seiker taki mi de na libi, na so a de seiker taki mi no e prisiri te wan ogri sma e dede,+ ma mi e prisiri te wan ogri sma e drai en libi+ èn te a e tan na libi.+ Tapu nanga na ogri di unu e du,+ iya, tapu nanga den sani dati. Un Israelsma, fu san ede un musu dede?”,+ na so a Moro Hei Masra Yehovah taki.’

3 Fu san ede yu e meki mi si takrudu? Fu san ede yu e tan luku nomo fa sma e du ogri? Fu san ede mi musu si fa sma e fufuru sani èn fa den e pina trawan? Fu san ede sma e meki trobi nanga makandra? Fu san ede den e strei nanga makandra?+

13 Yu ai soifri tumusi fu si san ogri èn yu no man si ogridu.+ We dan, fu san ede yu e tan luku den sma di e bedrigi trawan?+ Fu san ede yu e tan pî te wan ogri sma e swari wan sma di bun moro en?+

17 Gado Buku taki fu Farao, a kownu fu Egepte: „Mi meki yu tan na libi fu sori sma mi krakti èn fu meki sma na heri grontapu sabi mi nen.”+

22 We, na so a de tu nanga Gado. Gado wani puru atibron na sma tapu èn a wani sori a krakti fu en. Ma fu di a abi furu pasensi, meki a e libi den sma ete di e meki en ati bron èn di de leki prapi di musu kisi pori.+