26 Dan a taki: „Efu unu arki Yehovah un Gado èn du san a feni bun, efu unu gi yesi na den komando fu en trutru èn hori ala den wèt fu en,+ dan mi no sa meki unu kisi nowan fu den siki di mi ben gi den Egeptesma.+ Na so mi sa du, fu di mi na Yehovah, a sma di e meki unu kon bun baka.”+

15 Yehovah o puru ala siki na un mindri. A no o meki unu kisi nowan fu den takru siki di unu ben sabi na ini Egepte.+ Na den sma di no lobi unu o kisi den siki disi.

24 Nowan sma di e tan na ini a kondre o taki: „Mi siki.”+ Den sma di e tan na ini a kondre o kisi pardon fu den sondu fu den.+

14 Yehovah, efu yu dresi mi, dan mi o kon betre trutru.+ Efu yu frulusu mi, dan mi o kisi frulusu trutru,+ bika yu na a sma di mi e prèise.+

15 Te den e begi nanga bribi, dan a sma di siki o kon betre+ èn Yehovah o meki a kisi ensrefi baka.+ Boiti dati, efu a du sondu, dan a o kisi pardon fu dati.+

4 A o figi ala watra+ puru na den ai èn dede no o de moro.+ Nowan sari, noso krei, noso pen no o de moro.+ Den fositen sani pasa kaba.”+