18 Dan Melkiseidek,+ kownu fu Salem,+ tyari brede nanga win kon.+ A ben de priester fu a Moro Hei Gado.+

13 Iya, na en o bow a tempel fu Yehovah. Na en o kisi grani.+ A o sidon na tapu en kownusturu+ fu tiri leki kownu. A o tron wan priester tu. A o du den tu wroko disi na so wan fasi taki sani o waka bun+ gi a pipel.

6 Na wan tra presi a e taki tu: „Yu na wan priester fu têgo, neleki Melkiseidek.”+

20 pe wan sma ben go na inisei fosi wi, gi a bun fu wi.+ A sma dati na Yesus di tron wan granpriester fu têgo, neleki Melkiseidek.+

3 Sma no sabi suma na en papa nanga mama, noso suma na den afo fu en èn den no sabi tu o ten a gebore+ noso o ten a dede, ma fu di a kon de leki a Manpikin fu Gado,+ meki a e tan wan priester fu ala ten.+

11 We efu na a priesterwroko fu den Leifisma ben kan meki sma kon de sondro sondu+ (bika a wroko disi ben de wan prenspari sani na ini a Wèt di Gado gi a pipel),+ dan fu san ede a ben o de fanowdu+ ete taki wan tra priester ben musu kon di no ben o de leki Aron, ma leki Melkiseidek,+ soleki fa den taki?

17 bika Gado Buku e taki fu en: „Yu na wan priester fu têgo, neleki Melkiseidek.”+