27 Gado e tegu gi den ofrandi fu den ogri sma.+ We, dan a no de fu taki, dati a e tegu moro gi na ofrandi efu a sma e du ogri sondro fu syen.+

11 Yehovah taki: „Sortu wini mi kisi fu den furu srakti-ofrandi fu unu? Mi e tegu gi den manskapu+ di unu e tyari leki heri bron-ofrandi+ èn gi a fatu fu den meti+ di kisi bun nyanyan. Mi no e prisiri+ nanga a brudu+ fu den yongu mankaw, den yongu manskapu, nanga den bokoboko+ di unu e tyari gi mi.

3 A sma di e srakti wan mankaw de leki wan sma di e kiri wan trawan.+ A sma di e gi wan skapu leki ofrandi de leki wan sma di e broko a neki fu wan dagu.+ A sma di e tyari wan sani leki kado gi mi de leki wan sma di e tyari a brudu fu wan agu gi mi!+ A sma di e tyari switismeri leki ofrandi+ de leki wan sma di e blesi wan falsi gado.+ Den e du soso san den wani èn den lobi fu du tegu sani.+

20 „Fu san ede unu e tyari switismeri fu Skeiba+ èn fu wan farawe kondre kon gi mi? San mi abi fu du nanga dati? Mi no lobi den heri bron-ofrandi fu unu+ èn mi no e prisiri nanga den srakti-ofrandi fu unu.”+

23 Helu fu unu, un leriman fu Wèt nanga Fariseiman, un hoigriman! Bika unu e gi a di fu tin pisi+ fu a menti-wiwiri nanga a dille-wiwiri nanga a dyira, ma unu e frigiti den moro prenspari sani fu a Wèt di e taki dati un musu krutu sani na wan reti fasi,+ un musu abi sari-ati+ èn un musu tai hori na Gado.+ Na den sani disi sma ben musu du sondro fu frigiti fu du den tra sani tu.