20 Den sma fu Yuda nanga Israel ben furu leki den aisanti na se.+ Den alamala ben e nyan, den ben e dringi èn den ben e meki prisiri.+

24 A moro bun sani di wan libisma kan du fu dati ede, na fu nyan, dringi èn prisiri nanga a tranga wroko fu en.+ Na disi mi si tu. Iya, misrefi kon si taki na a tru Gado e gi pasi taki den sani disi e pasa.+

13 Mi kon sabi tu taki ibri sma musu nyan, taki a musu dringi èn taki a musu prisiri nanga ala a tranga wroko di a e du.+ Na wan presenti fu Gado.+

22 Mi si taki nowan sani moro bun leki te wan sma e prisiri nanga en wroko,+ bika dati na a pai di a o kisi. Iya, suma o tyari en kon baka fu sori en san o pasa baka te a dede?+

22 Den no o bow oso, dan wan tra sma go tan na ini. Den no o prani sani, dan wan tra sma nyan fu dati. Bika mi pipel o libi langa neleki wan bon+ èn den wan di mi teki o nyan bun fu a wroko di den du.+