Waktitoren LIBRARY TAPU INTERNET

Waktitoren LIBRARY TAPU INTERNET

LIBRARY TAPU INTERNET

Deuteronomium 10:12

Bijbel—Nyun-Grontapuvertaling
- 12 We Israel, Yehovah un Gado e aksi unu nomo+ fu lespeki+ en. Dan unu o du ala san Yehovah un Gado e aksi unu,+ unu o lobi en+ èn unu o dini Yehovah un Gado nanga un heri ati èn nanga un heri libi.*+

Yob 28:28

Bijbel—Nyun-Grontapuvertaling
- 28 Dan a taigi libisma:
  ’Luku! Bigi lespeki gi Yehovah, dati na koni.+
  Èn fu drai baka gi ogri, dati na sabi.’”+

Psalm 111:10

Bijbel—Nyun-Grontapuvertaling
- 10 Bigi lespeki gi Yehovah na a bigin fu koni.+
  
  ש [Sin]
  Ala sma di e hori den komando fu en, e frustan sani krin.+
  
  ת [Taw]
  Fu têgo sma musu prèise en.+

Odo 1:7

Bijbel—Nyun-Grontapuvertaling
- 7 Bigi lespeki gi Yehovah na a bigin fu sabi.+ Ma don sma e wisiwasi koni èn den no lobi du san sma e leri den.+

Odo 8:13

Bijbel—Nyun-Grontapuvertaling
- 13 Bigi lespeki gi Yehovah wani taki fu tegu gi san ogri.+ Mi e tegu gi sma di e hei densrefi, di abi heimemre,+ di e du ogri èn di e taki soso lei nanga den mofo.+

Odo 9:10

Bijbel—Nyun-Grontapuvertaling
- 10 Bigi lespeki gi Yehovah na a bigin fu koni.+ Wan sma abi frustan, soso te a sabi a Moro Santawan.+