15 Ibri tron baka Yehovah, a Gado fu den afo fu den Israelsma, seni den boskopuman fu en fu warskow den,+ fu di a ben abi sari-ati nanga en pipel+ èn fu di a no ben wani pori na oso fu en.+

24 Mi bari kari unu, ma unu no wani arki mi.+ Mi langa mi anu gi unu, ma nowan sma e poti prakseri.+

2 Ma fu san ede nowan sma ben de dyaso di mi kon na inisei?+ Fu san ede nowan sma piki di mi kari den?+ Na syatu mi anu kon syatu so, taki mi no man yepi unu?+ Na swaki mi swaki so, taki mi no man frulusu unu? Te mi e piri-ai+ gi a se, a e kon drei.+ Mi e meki liba kon tron sabana.+ Dan den fisi e dede fu di den no abi watra èn den e bigin tingi.+

4 Ma misrefi o du ala sortu ogri sani nanga den tu.+ Mi o du sani nanga den di o frede den.+ Ala den sani disi o pasa nanga den, bika mi ben kari den, ma nowan sma piki mi. Mi ben taki, ma nowan sma arki.+ Den tan du sani di mi no feni bun. Na den sani di mi no lobi, na dati den du.”+