9 Ala den oso, srefi den wan na a bigi dyari,+ ben meki fu diri+ ston di ben koti puru na ini bergi. Fu a fondamenti te go miti a tapusei pisi fu den skotu ben meki fu diri ston tu. Den koti den ston soifri, so taki den ben o fiti na den presi. Nanga ston-sa den koti ala den sei fu den ston kon grati.

11 Unu e dwengi den mofina sma fu pai rente gi a gron pe den e prani sani, èn unu e tan teki a nyanyan di den prani na den gron fu den.+ Unu bow oso fu ston di sma koti puru na ini bergi,+ ma unu no o tan libi na ini. Unu prani moi droifidyari, ma unu no o tan dringi a win fu den droifi fu den.+