16 Den bakapikin fu yu o tan tiri leki kownu èn fu ala ten a kownukondre fu yu o tan. A tirimakti fu yu o de fu ala ten.”’”+

7 Na ala sei a o abi makti leki wan granman+ èn ala ten sani o waka bun+ te a e sidon na tapu a kownusturu fu David+ èn te a e tiri en kownukondre di o tan fu têgo.+ Nanga wan krin ati+ èn na wan reti fasi+ a o tiri now èn fu ala ten. Yehovah di e tiri den legre o meki a sani disi pasa nomonomo.+

5 Yehovah taki: „Luku, wan ten o kon te mi o meki wan pransun fu David sproiti.+ A o de wan reti-ati sma di o tiri leki kownu.+ A o du sani nanga koni, a o du san reti, èn a o krutu sani na wan reti fasi na ini a kondre.+

14 A kisi makti fu tiri.+ A kisi glori+ èn a kisi wan kownukondre tu,+ so taki ala den pipel, nanga den sma di de fu den difrenti kondre èn di e taki difrenti tongo, ben kan dini en.+ A tirimakti fu en o tan fu têgo. Noiti a o kon na wan kaba. A kownukondre fu en na wan kownukondre di no o kisi pori.+