7 Srefi den priester nanga den profeiti lasi pasi fu win ede, èn sopi meki den e wakawaka lontu.+ Den lasi pasi fu sopi ede. Win bruya den. Den e wakawaka lontu fu di den dringi sopi. Den sani di den si e bruya den. Den e degedege te den e teki bosroiti.
31 Den profeiti srefi e taki profeititori di no tru.+ Den priester e kwinsi sma, fu di den abi a makti fu du dati.+ Na dati mi pipel lobi.+ Ma san unu o du te fu kaba?”+
10 Dati meki mi o gi den wefi fu den na tra man èn mi o gi den gron fu den na tra sma,+ bika ibriwan fu den, awinsi na mofinawan noso bigiman, e bedrigi sma fu kisi wini.+ Srefi ibri profeiti nanga ibri priester e kori sma.+
25 Den profeiti di e libi drape span anu makandra fu du ogri.+ Den tyari densrefi neleki wan lew di e meki babari èn di e priti tra meti.+ Den e swari sma.+ Doronomo den e teki den gudu èn den diri sani fu tra sma.+ Den meki taki den uma na ini a kondre di den masra dede kaba, kon moro furu.+