9 Ne Yehovah ati kon bron+ nanga Salomo, fu di a no ben e dini Yehovah, a Gado fu Israel,+ moro. Tu leisi a ben sori ensrefi na Salomo.+

26 Ma toku den sani di Yosia du no kowru na atibron fu Yehovah, fu di Gado ati ben bron srefisrefi nanga den sma fu Yuda.+ Na den sani di Manase du ben meki taki den sma fu Yuda du sani di ben meki Gado ati bron.+

13 Na so Saul dede, fu di a trangayesi+ Yehovah krinkrin di a no du san Yehovah ben taigi en fu du èn fu di a go aksi wan bonuman+ rai.

7 Sensi a ten fu den afo+ fu wi teleki now,+ wi e meki bun furu fowtu. Fu di wi sondu, meki yu gi pasi taki den kownu fu den tra kondre feti+ nanga wi. Ne den wini wi, den kownu+ fu wi, nanga den priester+ fu wi. Dan den tyari wi go na ini katibo,+ den fufuru den sani fu wi tyari gowe+ èn den gi wi syen.+ Na so a de te now ete.

4 Ala den kownukondre fu grontapu o beifi te den e si san mi du nanga den,+ fu di Kownu Manase, a manpikin fu Heskia di e tiri Yuda, du wan lo ogri na ini Yerusalem.+