5 Baka dati a tapu a wroko fu ala den priester fu den gado fu den trakondre sma. (Na den kownu fu Yuda ben poti den priester disi fu tyari smoko-ofrandi na den hei presi di de na ini den foto fu Yuda èn lontu Yerusalem.) A tapu a wroko tu fu den sma di ben e tyari smoko-ofrandi gi Bâal,+ gi a son, gi a mun, gi den starigrupu èn gi ala den tra sani na hemel.+

3 Sobun, Manase meki den hei presi+ baka pe sma ben e go anbegi falsi gado. En papa Heskia ben broko den presi disi puru.+ Manase bow altari+ gi den Bâal-gado+ èn a meki santa postu+ sosrefi. Dan a bigin boigi+ gi den stari nanga ala den tra sani na hemel+ èn a go dini den.+

16 Ne a tyari mi go na a pikin dyari di ben de lontu na oso fu Yehovah.+ Na a portu fu a tempel fu Yehovah, na mindri a gadri nanga na altari,+ mi si sowan tutenti nanga feifi man.+ Den ben tanapu nanga den baka go na a tempel fu Yehovah+ èn a fesi fu den ben drai go na owstusei. Den ben boigi gi a son, na owstusei.+

42 Dati meki Gado drai baka gi den èn a libi den+ meki den anbegi a son, a mun, nanga den stari na hemel, neleki fa a skrifi na ini den buku fu den profeiti:+ ’Un Israelsma, di unu ben de na ini a sabana fotenti yari langa, dan a no gi mi unu ben tyari srakti-ofrandi.+