20 Un no musu drai go baka, solanga Yehovah no meki unu nanga un brada rostu, èn solanga den no kisi a kondre di Yehovah un Gado gi den na abrasei fu Yordan-liba. Baka dati, ibriwan fu unu kan drai go baka na a presi di mi gi unu.’+

37 ’Luku, mi o teki den puru na ala den kondre pe mi ben yagi den go di mi ati ben bron nanga den. Mi ben de nanga bigi atibron,+ ma now mi o tyari den kon makandra èn mi o tyari den kon baka na a presi disi. Den o tan dyaso sondro broko-ede.+

11 Dan mi o tyari den sma na ini Yuda èn den sma na ini Israel kon na wán.+ Mi o gi den wán edeman èn mi o meki den komoto na ini a kondre.+ A o de wan bigi dei gi Yisreyel.+

14 Mi o tyari mi pipel Israel di go na ini katibo, kon baka na a kondre fu den.+ Dan den o bow den foto baka pe nowan sma ben e tan èn den o tan na ini.+ Den o prani droifidyari èn den o dringi a win fu den droifi dati. Den o prani froktubon na ini den dyari èn den o nyan den froktu fu den.’+

20 Na a ten dati mi o tyari unu kon baka. Iya, dati na a ten te mi o tyari unu kon na wán. Mi o meki unu kisi wan bun nen èn ala pipel fu grontapu o prèise unu, fu di mi o puru unu na ini katibo èn mi o tyari unu kon baka. Unu srefi o si dati nanga un eigi ai”, na so Yehovah taki.+