18 „Na a ten dati den sma fu Yuda o waka sei na sei nanga den sma fu Israel.+ Makandra+ den o komoto na a kondre fu noordsei èn den o go na ini a kondre di mi ben gi den afo fu den.+
6 Mi o luku den baka èn mi o du bun gi den.+ Mi o meki den drai kon baka na a kondre disi.+ Mi no o broko den, ma mi o bow den. Mi no o rutu den puru, ma mi o prani den.+
3 Yehovah taki: „Wan ten o kon te mi o tyari mi pipel, sobun den katiboman fu Israel nanga Yuda,+ kon makandra.” Yehovah taki: „Dan mi o tyari den kon baka na a kondre di mi ben gi den afo fu den. Iya, a kondre o de fu den baka.”’”+
37 ’Luku, mi o teki den puru na ala den kondre pe mi ben yagi den go di mi ati ben bron nanga den. Mi ben de nanga bigi atibron,+ ma now mi o tyari den kon makandra èn mi o tyari den kon baka na a presi disi. Den o tan dyaso sondro broko-ede.+
14 Mi o tyari mi pipel Israel di go na ini katibo, kon baka na a kondre fu den.+ Dan den o bow den foto baka pe nowan sma ben e tan èn den o tan na ini.+ Den o prani droifidyari èn den o dringi a win fu den droifi dati. Den o prani froktubon na ini den dyari èn den o nyan den froktu fu den.’+