7 Meki den ogri sma libi den pasi fu den+ èn meki den sma di e du ogri, puru den takru prakseri fu den na den ede.+ Meki den drai go baka na Yehovah di o sori den sari-ati.+ Meki den drai go baka na wi Gado, bika a o gi den pardon nanga en heri ati.+

31 Na Tofet,+ di de na ini a lagipresi fu a manpikin fu Hinom,+ den bow hei presi pe den ben e anbegi falsi gado. Drape den bron den manpikin nanga den umapikin fu den na ini faya.+ Noiti mi ben taigi den fu du dati. So wan sani no ben kon na ini mi prakseri srefi.’+

8 Ma efu den tapu nanga den ogri di den e du+ fu di den yere taki mi o strafu den, dan misrefi o kenki prakseri èn mi no o tyari rampu kon na den tapu moro.+

11 Taigi den: ’„Neleki fa a de seiker taki mi de na libi, na so a de seiker taki mi no e prisiri te wan ogri sma e dede,+ ma mi e prisiri te wan ogri sma e drai en libi+ èn te a e tan na libi.+ Tapu nanga na ogri di unu e du,+ iya, tapu nanga den sani dati. Un Israelsma, fu san ede un musu dede?”,+ na so a Moro Hei Masra Yehovah taki.’

10 Den papa fu wi strafu wi wan syatu pisi ten nomo, soleki fa den ben denki taki a bun.+ Ma te Gado e strafu wi, a e du dati fu sani kan go bun nanga wi, so taki wi kan kon santa tu neleki en.+

13 Te tesi+ e miti wan sma, a no musu taki: „Na Gado e tesi mi”, bika nowan sma kan tesi Gado nanga ogri sani èn Gado srefi no e tesi sma tu.

9 Yehovah no e draidrai fu du san a pramisi,+ soleki fa son sma e prakseri. Ma a abi pasensi nanga unu, bika a no wani taki wan sma lasi libi. A wani taki ala sma musu kisi na okasi fu sori berow.+