3 Yehovah o trowstu Sion.+ Iya, a o trowstu ala den presi drape pe nowan sma ben e tan.+ A o meki a sabana fu en tron leki Eden+ èn den drei presi o tron leki a dyari fu Yehovah.+ Soso prisiri o de drape. Den o de nanga tangi èn den o singi.+

12 Gi unu, sma o bow den brokopresi baka pe sma no ben e tan wan langa pisi ten.+ Iya, unu o bow den fondamenti baka fu oso di broko sensi ten.+ Sma o taki dati unu na den wan di tapu den olo na ini den skotu fu a foto+ èn unu na den wan di meki den pasi baka pe sma kan bow oso fu tan.

4 Den o bow den brokopresi baka+ pe sma no ben tan wan langa pisi ten.+ Iya, den o meki den presi pe sma no ben e tan sensi ten, kon nyun baka.+ Sobun, den o bow den foto nanga den presi baka pe sma no ben e tan sensi owruten.

14 Mi o tyari mi pipel Israel di go na ini katibo, kon baka na a kondre fu den.+ Dan den o bow den foto baka pe nowan sma ben e tan èn den o tan na ini.+ Den o prani droifidyari èn den o dringi a win fu den droifi dati. Den o prani froktubon na ini den dyari èn den o nyan den froktu fu den.’+