20 Yehovah taigi Aron tu: „Mi no o gi unu wan pisi fu a kondre èn unu no o kisi wan pisi gron leki famirigudu.+ Mi na a famirigudu fu unu èn a pisi di unu kisi na mindri den Israelsma.+

9 Fu dati ede den Leifisma no o kisi wan pisi fu a kondre èn den no o kisi wan famirigudu+ neleki den tra Israelsma. Ma den abi a grani fu du spesrutu wroko gi Yehovah, soleki fa Yehovah un Gado ben taigi den.+

18 Den priester nanga den tra Leifisma, sobun a heri lo fu Leifi,+ no o kisi wan pisi fu a kondre èn den no o kisi wan famirigudu neleki den tra Israelsma. Ma den o kisi den sani di sma e tyari fu bron leki ofrandi gi Yehovah. Na dati den musu nyan.+

14 A wan-enkri lo di no ben kisi noti, ben de a lo fu den Leifisma.+ Soleki fa Yehovah, a Gado fu Israel, ben pramisi den,+ dan den ben o kisi wan pisi+ fu den ofrandi di sma ben o tyari go bron+ gi Gado.

33 Ma Moses no gi a lo fu den Leifisma nowan pisi fu a kondre.+ Den kisi a grani fu dini Gado na wan spesrutu fasi, soleki fa Yehovah, a Gado fu den Israelsma, ben pramisi den.+

4 A pisi gron di unu poti aparti na ini a kondre, na wan santa kontren. A o kon de fu den priester+ di e wroko na ini a tempel èn di e kon na fesi Yehovah fu dini en.+ Na a presi disi den musu bow den oso fu den èn a musu de wan santa presi, bika na drape a tempel de.