8 Baka dati, a pipel piki leki wán man: „Wi o du ala san Yehovah taki.”+ Wantewante Moses go taigi Yehovah san a pipel taki.+

40 Den o taki sortu sondu den nanga den afo fu den du.+ Den ben drai baka gi mi èn den ben opo densrefi teige mi.+

33 Mi o puru a kownukondre na en anu, fu di Israel gowe libi mi+ èn den go dini Astoret,+ na umagado fu den Sidonsma. Den go dini Kamos,+ a gado fu den Moabsma tu, nanga Milkom,+ a gado fu den Amonsma. Den trangayesi mi èn den no du san mi taki. Den no du leki David, a papa fu Salomo, bika David ben e hori den komando nanga den wèt fu mi. Ma den sma disi no du dati.

7 Sensi a ten fu den afo+ fu wi teleki now,+ wi e meki bun furu fowtu. Fu di wi sondu, meki yu gi pasi taki den kownu fu den tra kondre feti+ nanga wi. Ne den wini wi, den kownu+ fu wi, nanga den priester+ fu wi. Dan den tyari wi go na ini katibo,+ den fufuru den sani fu wi tyari gowe+ èn den gi wi syen.+ Na so a de te now ete.

34 Den kownu, den granman, den priester nanga den afo+ fu wi no du san yu wèt e taki+ èn den no poti prakseri na den sani di yu ben taigi den fu du+ èn na den piri-ai di yu gi den fu warskow+ den.

16 Mi du disi, fu di den no gi yesi na den komando fu mi èn den no hori den wèt fu mi. Den no ben sori lespeki gi den Sabat fu mi. Den ben du den sani disi, fu di den ben wani dini den fisti gado fu den.+