6 Gado taki: „Un arki mi, grantangi. Efu wan fu unu ben de wan profeiti fu Yehovah, dan na ini wan fisyun+ mi ben o meki a kon sabi mi. Na ini wan dren+ mi ben o taki nanga en.

20 Kownu ben aksi den ala sortu kefalek sani di soso den koni sma nanga den sma nanga frustan+ ben kan sabi. Ne a kon si taki den ben de tin tron moro koni leki ala den bonuman+ nanga lukuman+ di ben de na ini a kownukondre fu en.

9 ’Beltesasar, yu na a edeman fu den bonuman.+ Mi sabi heri bun taki a yeye fu den santa gado de nanga yu+ èn taki yu man tyari ala kibritori kon na krin.+ Sobun, taigi mi san na den sani di mi si na ini a dren fu mi èn fruteri mi san den wani taki.+

11 Wan man de na ini a kownukondre fu yu di man fruteri yu san a sani disi wani taki. A yeye fu den santa gado de nanga en.+ Na ini a ten fu yu papa a ben man frustan sani krin. A ben man frustan a dipi fu wan tori èn a ben abi koni leki a koni fu den gado. Yu papa, Kownu Nebukadnesar, ben poti en leki edeman+ fu den bonuman, den lukuman, den towfruman nanga den sma di e luku den stari fu sabi san o pasa. Iya Kownu, yu papa srefi ben du dati.