11 Yehovah, yu bigi,+ yu abi makti,+ ala moi sani na fu yu,+ yu abi furu glori+ èn na yu musu kisi ala grani.+ Ala sani na hemel èn na grontapu na fu yu.+ A kownukondre na fu yu,+ Yehovah, yu di e poti yusrefi leki edeman fu ala sma.+

18 Yu e du bun gi dusundusun sma.+ Te wan papa sondu, dan yu e poti a paiman fu a sondu dati na ini a borsusaka fu den manpikin fu en.+ Yu na a tru Gado, a Granwan,+ èn a Trangawan+ di nen+ Yehovah di e tiri den legre.+