12 Dati meki Hasael aksi en: „Mi masra, fu san ede yu e krei?” Elisa piki en: „Mi e krei, fu di mi sabi sortu ogri+ yu o du nanga den Israelsma. Yu o bron den foto fu den di abi bigi skotu èn yu o kiri den moro bun srudati fu den nanga feti-owru. Na wan ogri-ati fasi yu o kiri den pikin fu den+ èn yu o priti den bere opo fu den uma di de nanga bere.”+

32 Na a ten dati Yehovah ben gi trakondre sma na okasi fu teki pisi fu a kontren fu den Israelsma abra. Na so Hasael+ bigin teki a kontren fu den Israelsma abra. A kiri sma na ala den kontren pe a ben e go.

33 A teki a heri kontren abra di ben de na a sei fu Yordan-liba pe son e opo, a heri kontren fu Gilead,+ a kontren fu a lo fu Gad,+ a kontren fu a lo fu Ruben,+ nanga a kontren fu a lo fu Manase.+ A doro te na Arower+ na ini a lagipresi pe Arnon-liba e lon. Srefi Gilead nanga Basan a teki.+

7 A kownu fu Siria no libi nowan sma gi Yoahas, boiti feifitenti srudati di e rèi asi. A libi tin asiwagi gi Yoahas tu, nanga tin dusun srudati di ben e waka nanga futu.+ A kownu disi kiri ala den tra sma.+ Na so den Israelsma kon de leki fini doti di yu e kisi te sma e masi aleisi.+