33 Na so a bigin tyari ofrandi na tapu na altari di a ben meki na Betel. A du disi na a di fu tinafeifi dei fu a di fu aiti mun. Na en ben taki+ dati a fesa ben musu hori na a mun disi. Baka dati a hori wan fesa gi den Israelsma èn a tyari smoko-ofrandi na tapu na altari.+

15 Boiti dati, Kownu Yosia broko na altari puru di ben de na Betel.+ A broko a hei presi tu pe na altari ben de. Na Yerobeyam,+ a manpikin fu Nebat, ben bow a hei presi disi èn na en ben meki wan altari drape. Na so Yerobeyam ben meki Israel sondu.+ Baka di Yosia broko a hei presi disi puru, a bron en nanga faya, dan a masi en kon tron puiri. A bron a santa postu tu.

31 Di a fesa kaba, den Israelsma+ di ben de na Yerusalem, go na den difrenti foto fu Yuda.+ Ne den broko den santa pilari pisipisi,+ den koti den santa postu trowe,+ den broko den hei presi puru+ pe sma ben e anbegi falsi gado nanga ala den altari+ di ben de na Yuda,+ Benyamin, Efrayim,+ nanga Manase.+ Di den kaba du disi, dan ala den Israelsma drai go baka na den foto fu den. Ibriwan fu den drai go baka na en eigi oso.

2 Now den sma fu Efrayim e du moro sondu. Den tyari ala a solfru+ fu den go na wan smeti fu a meki wan popki gi den,+ soleki fa den wani.+ Den taki: ’Meki den sma di e tyari ofrandi, bosi pikin kaw.’+