11 Yehovah taki: „Sortu wini mi kisi fu den furu srakti-ofrandi fu unu? Mi e tegu gi den manskapu+ di unu e tyari leki heri bron-ofrandi+ èn gi a fatu fu den meti+ di kisi bun nyanyan. Mi no e prisiri+ nanga a brudu+ fu den yongu mankaw, den yongu manskapu, nanga den bokoboko+ di unu e tyari gi mi.

20 „Fu san ede unu e tyari switismeri fu Skeiba+ èn fu wan farawe kondre kon gi mi? San mi abi fu du nanga dati? Mi no lobi den heri bron-ofrandi fu unu+ èn mi no e prisiri nanga den srakti-ofrandi fu unu.”+

12 Te den e faste* èn te den e bari suku yepi na mi, mi no o arki den.+ Mi no o prisiri nanga den heri bron-ofrandi èn nanga den nyanyan-ofrandi di den e tyari.+ Mi o kiri den nanga feti-owru, mi o meki den dede fu angri, èn mi o kiri den nanga takru siki.”+

21 Mi no lobi den fesa fu unu kwetikweti. Mi e tegu gi den.+ Mi no lobi a smeri fu den srakti-ofrandi di unu e tyari na den spesrutu konmakandra fu unu.+