-
Psalm 22:biginwortu-31Bijbel—Nyun-Grontapuvertaling
-
-
Gi a fesiman fu den sma di e prei „Dia fu musudei”-poku. Wan singi fu David.
22 Mi Gado, mi Gado, fu san ede yu gowe libi mi?+
Fu san ede yu no kon frulusu mi?+
Fu san ede yu no poti prakseri na a tranga babari fu mi?+
8 „A ben e frutrow na tapu Yehovah?+ We, dan meki Gado yepi en now!+
Efu a Gado fu en lobi en so kefalek, dan meki a Gado dati frulusu en!”+
9 Na yu hari mi puru na ini mi mama bere.+
Di mi ben de na mi mama bobi ete, dan na yu ben meki mi firi taki noti no man pasa nanga mi.+
10 Na yu e sorgu mi, sensi di mi mama meki mi.+
Sensi di mi ben de na ini mi mama bere, na yu na mi Gado.+
13 Den piri den mofo opo fu tapu skreki gi mi,+
Neleki wan lew di e priti wan meti pisipisi èn di e meki bigi babari.+
14 Leki watra den kanti mi trowe.+
Ala mi bonyo lusu komoto na makandra.+
Mi ati kon tron kandrafatu.+
A smèlter gowe na ini mi skin.+
15 Mi no abi krakti moro. Mi kon de leki wan pikin pisi fu wan broko prapi.+
Mi tongo fasi na a tapusei pisi fu mi inimofo.+
Yu tyari mi kon te na a mofo fu a grebi.+
16 Mi feanti lontu mi neleki dagu.+
Wan bigi grupu ogri-ati sma tapu mi lontu.+
Neleki wan lew den e beti mi anu nanga mi futu.+
20 Mi e begi yu, kibri mi libi gi a feti-owru.+
Iya, puru a warti libi disi fu mi na ini a mofo fu a krasi dagu.+
22 Mi o meki a nen+ fu yu bekènti na den brada fu mi.+
Na mindri den sma di kon makandra mi o prèise yu.+
23 Un alamala di e lespeki Yehovah, un prèise en!+
Ala un bakapikin fu Yakob, un gi en glori!+
Abi bigi lespeki gi en, un alamala di de bakapikin fu Israel.+
24 A no tapu en ai gi a mofina fasi fa den mofinawan e libi+
Èn a no tegu gi a fasi fa den e libi.+
A no tapu en fesi gi den+
Èn a arki den di den ben bari suku yepi na en.+
25 Na fu yu ede meki mi man prèise yu na mindri a bigi grupu sma di kon makandra.+
Leti na fesi den sma di abi dipi lespeki gi Gado, mi o du den sani di mi ben pramisi fu du.+
26 Den safri-ati sma o nyan teleki den bere furu.+
Den wan di e suku Yehovah o prèise en.+
Meki a de so, taki un ati tan naki fu têgo.+
27 Yehovah, sma o memre yu te na den moro farawe presi fu grontapu èn den o drai kon baka na yu.+
Ala den lo fu grontapu o boigi gi yu,+
-
-
Yesaya 53:1-12Bijbel—Nyun-Grontapuvertaling
-
-
53 Suma e bribi a sani di wi yere?+ Suma si+ a krakti fu Yehovah?+ 2 Sma o si en leki wan pransun+ di bigin gro èn leki wan rutu na ini wan kontren pe watra no de. A no gersi wan heihei sma èn a no kisi glori.+ Gi wi a no o gersi wan kefalek sma.+
3 Sma wisiwasi en èn den wai pasi gi en.+ A de wan man di sabi san na pina èn san na siki.+ A de neleki a tapu en fesi, so taki wi no man si en.+ Sma spotu en èn wi si en leki wan soso sani.+ 4 Iya, a tyari den siki fu wi+ èn a teki den pen fu wi na en tapu.+ Toku wi si en leki wan sma di abi wan takru siki,+ di nyan pina,+ èn di Gado strafu.+ 5 Den dyuku en+ fu wi sondu ede.+ Den pina en fu den ogri di wi du.+ Den fon en, so taki sani kan waka bun gi wi.+ A kisi soro,+ so taki wi kan kon betre.+ 6 Wi alamala ben e wakawaka lontu leki lasi skapu.+ Ibriwan fu wi ben e teki en eigi pasi. Ma Yehovah meki a tyari den sondu fu wi alamala.+ 7 A ben hebi srefisrefi gi en+ èn a meki sma pina en.+ Toku a no opo en mofo. A ben de leki wan pikin skapu di den e tyari go srakti+ èn leki wan skapu di kon babaw na fesi den wan di e koti skapu-wiwiri. A no ben opo en mofo srefisrefi.+
8 Fu di den no krutu en na wan reti fasi, meki den grabu en tyari gowe.+ Suma prakseri srefi fu sortu famiri a komoto?+ Den kiri en+ puru na mindri libisma.+ A dede+ fu den sondu fu mi pipel ede.+ 9 Den meki wan grebi gi en pe den e beri ogriman+ èn den beri en pe den e beri guduman.+ Ma a no ben du nowan ogri+ èn a no ben taki nowan sani fu bedrigi sma.+
10 Yehovah ben feni en bun fu meki a nyan pina.+ A meki a kon siki.+ Ma efu Gado gebroiki en leki wan pardon-ofrandi,+ a o si den pikin fu en+ èn a o libi moro langa.+ A o du ala san Yehovah feni bun.+ 11 A nyan pina,+ ma a o si den bun bakapisi fu dati.+ Nanga a sabi di a abi, a reti-ati sma disi di de mi futuboi,+ o yepi furu sma fu tron reti-ati sma tu.+ A o teki den sondu fu den na en tapu.+ 12 Dati meki mi o gi en wan gudu neleki furu tra sma.+ Nanga den tranga man a o prati den gudu fu den feanti,+ fu di a dede gi sma+ èn den ben si en leki wan sondari.+ A tyari den sondu fu furu sma+ èn a tron wan sma di o opo taki gi sondu sma.+
-