14 Yehovah o sori unu wan marki: wan yongu uma+ o kon de nanga bere+ aladi a no sribi nanga wan man ete èn a o kisi wan manpikin+ di a o kari Imanuwel.*

6 Wan pikin gebore gi wi.+ Wi kisi wan manpikin.+ A o du a wroko fu wan granman.+ Den o kari en Gran Raiman,+ Tranga Gado,+ Têgo Papa,+ èn Granman fu Freide.+

5 Yehovah taki: „Luku, wan ten o kon te mi o meki wan pransun fu David sproiti.+ A o de wan reti-ati sma di o tiri leki kownu.+ A o du sani nanga koni, a o du san reti, èn a o krutu sani na wan reti fasi na ini a kondre.+

23 Mi o poti wán skapuman gi den+ èn a musu gi den nyanyan. En na mi futuboi David.+ Na en o gi den nyanyan èn na en o tron den skapuman.+

24 Seibitenti wiki de di Gado poti gi yu pipel+ èn gi a santa foto fu yu.+ Na ini a pisi ten dati, ogri+ nanga sondu+ o kon na wan kaba. A o de a ten sosrefi fu meki sma kisi pardon fu den sondu fu den+ èn fu tyari retidu kon fu têgo.+ Na ini a pisi ten dati, wan stampu+ o poti na tapu den fisyun èn na tapu den profeititori fu sori sma taki den tru. Boiti dati, Gado o salfu a Moro Santa Presi na a ten dati tu.+

2 Ai, Betlehem fu Efrata,+ yu pikin so te, taki den no e teri yu srefi leki wan fu den foto fu Yuda.+ Ma fu yu+ wan sma o kon di o tron tiriman fu Israel gi mi.+ A tiriman disi de bun langa kaba, sensi owruten.+

3 „Luku, mi e seni mi boskopuman+ na mi fesi fu sreka a pasi gi mi.+ Wantronso a tru Masra+ o kon na En tempel.+ En na a sma di unu e suku, a boskopuman+ fu a frubontu,+ èn a sma di unu e wakti fayafaya.+ Iya, a o kon trutru”, na so Yehovah di e tiri den legre taki.+

45 Ne Filipus miti Natanael+ èn a taigi en: „Wi feni a sma di Moses skrifi fu en na ini a Wèt+ èn den Profeiti+ skrifi fu en tu. En na Yesus, a manpikin fu Yosef+ fu Nasaret.”

43 Na fu en ala den profeiti ben taki+ dati ibri sma di e bribi na ini en kan kisi pardon fu sondu na ini en nen.”+

22 Ma fu di Gado yepi mi,+ meki mi tan fruteri a bun nyunsu na heihei sma nanga mofina sma te na a dei fu tide. Mi e taki soso den sani di den buku fu den Profeiti+ nanga den buku fu Moses+ ben taki dati den ben o pasa.