29 Na Yehovah wi Gado sabi den kibritori,+ ma te a tyari wan sani kon na krin,+ dan na wi nanga den bakapikin fu wi o sabi den sani disi. Ala ten disi o de so, so taki wi man du ala den sani di skrifi na ini a wèt disi.+

17 Yesus piki en: „Koloku fu yu, Simon, manpikin fu Yona, bika a no libisma, ma na mi Tata di de na hemel taigi yu disi.+

11 Dati meki a taigi den: „Na unu kisi a grani fu kon frustan a santa kibritori+ fu Gado Kownukondre. Ma den tra sma e yere soso agersitori.+

5 Na ini owruten sma no ben sabi a kibritori disi,+ soleki fa a yeye tyari en kon na krin now+ gi den santa apostel èn gi den profeiti+ fu Gado.

10 Ma sensi di Krestes Yesus wi Frulusuman sori ensrefi,+ a bun-ati disi de krin fu si. A puru dede+ èn nanga a bun nyunsu+ a tyari kon na krin+ san na libi+ èn san a wani taki fu abi libi di no man pori.+

12 Gado ben tyari kon na krin gi den taki den no ben e dini densrefi,+ ma taki na gi unu den ben skrifi den sani di unu yere+ now fu den sma di fruteri unu a bun nyunsu, fu di a santa yeye+ di ben seni kon fu hemel, ben yepi den. Na den srefi sani disi den engel e angri fu kon frustan.+