2 Luku fa Gado frulusu mi!+ Mi e frutrow na en tapu èn mi no e frede.+ Bika Yah Yehovah gi mi krakti+ èn a kibri mi.+ Na en tron mi frulusuman.”+

29 Te wan sma weri a e gi en krakti,+ èn te wan sma no abi krakti+ a e meki en kon tranga srefisrefi.

5 Mi na a droifibon, unu na den taki. Efu wan sma tan wán nanga mi èn mi tan wán nanga en, dan a o meki furu froktu,+ fu di unu no man du noti sondro mi.

7 Ma wi abi a gudu+ disi na ini prapi fu klèidoti,+ so taki a o de krin taki a krakti+ di bigi pasa marki no e kon fu wisrefi, ma a e kon fu Gado.+

9 Ma a taigi mi: „A bun-ati fu mi nofo gi yu,+ bika te yu swaki, a o de krin taki mi e gi yu a krakti di yu abi fanowdu.”+ Fu dati ede, nanga prisiri mi o meki bigi fu den swakifasi fu mi,+ so taki a krakti fu Krestes kan tan leki wan tenti na mi tapu.

17 Ma Masra tan na mi sei+ èn a gi mi krakti,+ so taki mi ben kan du a preikiwroko finifini èn ala pipel ben kan yere a boskopu disi.+ A ben puru mi na a mofo fu a lew.+