34 „Na a kaba fu a pisi ten+ dati mi, Nebukadnesar, opo mi ai luku go na hemel,+ dan mi kisi mi frustan baka. Ne mi prèise a Moro Heiwan,+ a sma di e libi fu ala ten. Mi prèise en èn mi gi en grani,+ fu di a e tiri fu ala ten èn a kownukondre fu en de fu têgo.+

7 Ne mi yere a sten fu a man di ben weri a weti krosi èn di ben de na tapu a watra fu a liba. A opo en reti-anu nanga en kruktu-anu go na hemel èn a sweri+ na a sma di e libi fu ala ten.+ A piki: „A o de gi wan spesrutu pisi ten, gi tu spesrutu pisi ten èn gi wan afu pisi ten.+ Te den broko a makti fu a santa pipel kaba,+ dan ala den sani disi o kon tru.”