13 Ne mi yere ala den libisani di de na hemel, na grontapu, na ondro gron,+ na tapu se èn sosrefi ala sani di de na ini den. Den ben e taki: „A sma di e sidon na tapu a kownusturu,+ nanga a Pikin Skapu+ musu kisi blesi, grani,+ glori,+ nanga makti fu têgo, iya, fu ala ten.”

12 Den ben taki: „Amen! Meki sma prèise a Gado fu wi èn meki den gi en glori, meki den gi en grani èn meki den taki en tangi fu têgo, iya, fu ala ten, fu di a abi koni, makti,+ nanga krakti. Amen.”+

17 Den taki: „Wi e taki yu tangi,+ Yehovah Gado, na Almaktiwan,+ a sma di de nownowde+ èn di ben de kaba, bika yu teki a bigi makti+ fu yu èn yu bigin tiri leki kownu.+

10 Ne mi yere wan tranga sten na ini hemel e taki:

„Luku, a Gado fu wi frulusu+ sma, a sori a krakti+ fu en, a Kownukondre fu en+ seti kaba èn a Krestes+ fu en bigin tiri kaba, bika a sma di e taki ogri fu wi brada èn di e taki lei fu den na fesi wi Gado dei nanga neti,+ fringi go na ondro!