Psalm

144 Blesi fu Yehovah, mi Stonbergi.+

A e hori mi anu nanga mi finga

Fu leri mi fa fu feti.+

 2 A e sori mi bun-ati. En na mi fortresi.+

En na a bergi pe mi kan lon go kibri. En na mi Frulusuman.+

En na mi skelt.+ Na en mi lon go suku kibri.+

En na a wan di e meki sma saka densrefi na mi ondro.+

 3 Ke Yehovah, san na libisma taki yu ben o poti prakseri na den?+

San na den pikin fu libisma+ taki yu ben o hori den na prakseri?

 4 A libi fu libisma de neleki wan blo.+

A libi fu den de leki wan skaduw di e pasa gowe.+

 5 Yehovah, mi e begi yu, beni hemel go na ondro, so taki yu kan saka kon.+

Fasi den bergi, so taki den kan puru smoko.+

 6 Meki faya koti na hemel fu panya den feanti fu mi go na ala sei.+

Seni peiri kon na den tapu fu bruya den.+

 7 Langa yu anu komoto na hemel.+

Frulusu mi èn puru mi na ini den bigi watra.+

Puru mi na a anu fu den trakondre sma+

 8 Di taki soso lei nanga den mofo.+

Te den e opo den reti-anu fu meki sweri, dan na soso lei den e lei.+

 9 Mi Gado, mi o singi wan nyun singi gi yu.+

Mi o meki poku gi yu nanga bigi harpu.+

10 Yu na a sma di e frulusu kownu,+

A sma di e frulusu en futuboi David fu sma no kiri en nanga feti-owru.+

11 Frulusu mi. Puru mi na a anu fu den trakondre sma+

Di taki soso lei nanga den mofo.+

Te den e opo den reti-anu fu meki sweri, dan na soso lei den e lei.+

12 Den e taki: „Den manpikin fu wi de leki pransun di e gro kon bigi.+

Den umapikin fu wi de leki den moi ukupostu na den kownu-oso pe sma koti moi prenki na ini.

13 Den maksin fu wi furu nanga ala sortu nyanyan-sani.+

Den meti fu wi e kon furu na den strati fu wi. Ibriwan fu den meti e kon tron wán dusun, iya, tin dusun.

14 Den kaw fu wi e syow wan heri ipi lai sondro taki den kisi mankeri èn den no e lasi bere.+

Nowan sma e bari krei na den pren fu wi.+

15 Koloku fu den sma di abi a sortu libi disi!”

Ma mi e taki: „Koloku fu den sma di abi Yehovah leki Gado!”+