Preikiman

8 Suma de leki a koniwan?+ Suma man tyari wan tori kon na krin?+ Na a koni fu wan sma e meki en fesi brenki. A o kenki a seryusu fesi fu en kon tron wan lafu fesi.+

2 Mi taki: „Du san Kownu taki.+ Na so yu e sori lespeki gi a sweri di yu meki na fesi Gado.+ 3 No hasti yusrefi fu komoto na en fesi.+ No go du wan sani di no bun,+ bika Kownu kan du ala san a wani.+ 4 San Kownu taki, na dati e pasa tu.+ Suma kan aksi en: ’San yu e du?’”

5 Nowan ogri o miti a sma di e du san Kownu taki.+ Wan sma di koni, o sabi a reti ten èn a o sabi tu taki ala afersi o go na fesi krutu.+ 6 Aladi bun furu ogri e miti libisma,+ toku ibri afersi abi en reti ten+ èn den o kisi wan lusu na fesi krutu. 7 Nowan sma sabi san o pasa,+ iya, suma kan taki fa sani o waka?

8 Nowan sma man tiri a libikrakti. Nowan sma man hori a libikrakti+ fu a no gowe. Nowan sma abi makti na a ten fu dede.+ Neleki fa nowan srudati e kisi primisi fu go na oso te feti de,+ na so ogridu no o gi pasi taki sma di e du ogri, lowe.+

9 Ala den sani disi mi si èn mi poti prakseri na ibri sani di sma du na grontapu. Mi si taki sensi di libisma bigin tiri tra libisma, sani no waka bun gi den.+ 10 Ma aladi disi de so, toku mi si fa sma beri den ogriwan,+ iya, den wan di ben gwenti go na ini a santa presi+ èn di ben e komoto drape baka. Sma e frigiti san den ogriwan disi du na ini a foto pe den ben e du den ogri fu den.+ Disi srefi na wan soso sani.

11 Fu di den no strafu ogri sma esi-esi gi den ogri fu den,+ meki na ati fu libisma kon tranga èn den poti na den ede fu du ogri nomo.+ 12 Awansi wan sondari e du ogri+ wán hondro leisi èn a e tan du san a wani wan heri pisi ten, toku mi sabi tu taki a o go bun nanga den sma di abi lespeki gi a tru Gado,+ fu di den ben e lespeki en.+ 13 Ma a no o go bun kwetikweti nanga den ogri sma.+ A libi fu den o pasa gowe leki wan skaduw.+ Den no o libi langa, bika den no ben e lespeki Gado.+

14 Wan soso sani e pasa na grontapu èn dati na taki den reti-ati sma e kisi a pai di den ogri sma musu kisi gi den sani di den e du.+ Yu abi ogri sma tu di e kisi a pai di den reti-ati sma musu kisi gi den sani di den e du.+ Mi taki dati disi srefi na wan soso sani.

15 Mi ben sori taki mi feni en bun taki wan sma e prisiri,+ bika a moro bun sani di libisma kan du na grontapu, na taki den musu nyan, den musu dringi èn den musu prisiri nanga a tranga wroko di den e du a heri pisi ten di a tru Gado gi den fu libi na grontapu.+ 16 Sobun, mi ben de nomonomo+ fu kon sabi san na koni. Mi ben wani kon si a wroko di sma e du na grontapu,+ fu di den e wroko so tranga taki den no e sribi srefi na deiten noso na neti.+

17 Mi luku ala den sani di a tru Gado du.+ Mi si tu taki libisma no man kon sabi finifini san Gado du na grontapu.+ Awinsi omeni muiti sma e du fu kon sabi san a du, toku den no man kon sabi dati.+ Srefi efu den ben o taki dati den koni nofo fu kon sabi san Gado du,+ toku den no ben o man kon sabi dati.+