Psalm
Gi a fesiman fu Yedutun. Wan psalm fu Asaf.+ Wan singi.
2 Di mi ben de na nowtu, mi suku yepi na Yehovah.+
Te neti mi ben opo mi anu go na loktu èn a no ben kon weri.
Mi ben weigri fu meki sma trowstu mi.+
6 Mi o memre den poku di mi ben e prei na neti.+
Na ini mi ati mi o prakseri den sani di e gi mi broko-ede.+
Mi o ondrosuku sani finifini fu kon frustan den.
8 Na fu ala ten a no wani sori wi bun-ati moro?+
Na fu soso a gi wi den komando fu en ala den yari di pasa?+
9 Na frigiti Gado frigiti fu du bun gi wi?+
Na fu di en ati e bron nanga wi, meki a no wani sori sari-ati moro?+ Sela.
A Moro Heiwan no e langa en reti-anu moro fu yepi wi leki fa a ben gwenti.”+ Na so mi o tan prakseri ala ten?
13 Mi Gado, te sma e kon na ini a santa presi, den kan kon sabi a pasi fu yu.+
Sortu gado bigi leki a Gado fu wi?+
16 Den watra si yu, mi Gado.
Den watra si yu. Ne den bigin beifi srefisrefi.+
Srefi a dipi watra bigin seki.+
17 Nanga dondru babari den wolku lusu a watra fu den.+
A loktu di lai wolku meki babari.
Na ala sei a faya fu yu e koti na loktu sosrefi, neleki peiri di sma e sutu.+
18 A babari fu a dondru fu yu ben de leki a babari fu asiwagi.+
Faya e koti na loktu, so taki leti e skèin na ala sei na tapu a gron.+
Grontapu ati ben e bron èn a bigin seki.+