Danièl

12 Na a ten dati Mikael+ o bigin tiri. En na a bigi granman+ di e opo du sani+ fu yepi den sma fu yu eigi pipel.+ Dan wan ten fu banawtu o kon. Sensi a ten di a fosi pipel ben kon de, teleki a ten dati, noiti ete so wan banawtu kon.+ Na a ten fu a banawtu yu pipel o kisi frulusu.+ Iya, ibriwan sma di nen skrifi na ini a buku, o kisi frulusu.+ 2 Furu fu den dedewan di e sribi na ondro gron, o wiki baka.+ Sonwan fu den o wiki fu kisi têgo libi,+ trawan baka o wiki fu kisi syen èn fu tron wan tegu sani fu ala ten.+

3 Den wan di man si a dipi fu wan tori, o skèin leki a krin leti na loktu.+ Boiti dati, den wan di e yepi furu sma fu kon de reti-ati sma,+ o kon de leki a leti fu stari di e skèin fu ala ten, iya, fu têgo.

4 Ma yu, Danièl, musu tapu a buku nanga wan stampu.+ No meki nowan sma kon sabi san skrifi na ini, teleki a ten fu a kaba.+ Furu sma o ondrosuku sani finifini èn den o kon sabi bun furu tru tori.”+

5 Ne mi, Danièl, opo mi ede luku. Dan mi si tu tra sma e tanapu drape.+ A wán ben e tanapu na a wan syoro fu a liba èn a trawan ben e tanapu na a syoro, abrasei fu a liba.+ 6 Ne wan fu den aksi a man di ben e weri a linnen krosi+ èn di ben de na tapu a watra fu a liba: „O langa a o teki fosi ala den tumusi moi sani disi kon tru?”+ 7 Ne mi yere a sten fu a man di ben weri a weti krosi èn di ben de na tapu a watra fu a liba. A opo en reti-anu nanga en kruktu-anu go na hemel èn a sweri+ na a sma di e libi fu ala ten.+ A piki: „A o de gi wan spesrutu pisi ten, gi tu spesrutu pisi ten èn gi wan afu pisi ten.+ Te den broko a makti fu a santa pipel kaba,+ dan ala den sani disi o kon tru.”

8 Aladi mi yere san a man taki, toku mi no ben e frustan san den sani dati ben wani taki.+ Dati meki mi taki: „Ke mi masra, fa a tori disi o waka te fu kaba?”+

9 Ne a taki: „Go, Danièl, bika a buku tapu nanga wan stampu. Nowan sma musu kon sabi san skrifi na ini, teleki a ten fu a kaba.+ 10 Furu sma o krin densrefi,+ den o du san reti+ èn den o libi wan moro soifri libi.+ Ma den ogriwan o tan du den ogri fu den.+ Nowan enkri ogri sma o man frustan den tori disi.+ Ma den wan di man si a dipi fu den tori disi, o man frustan den.+

11 Wan ten o de taki sma no o man tyari den ofrandi moro di den gwenti tyari ibri dei+ èn den o seti a tegu sani+ di e tyari pori kon. Baka te den sani disi bigin, wán dusun tu hondro nanga neigitenti dei o pasa.

12 Koloku+ fu a sma di e tan fruwakti den sani disi èn di e hori pasensi teleki den wán dusun dri hondro dritenti na feifi dei pasa!

13 Ma yu, Danièl, horidoro te na a kaba.+ Yu o go rostu,+ ma yu o opo baka fu kisi yu pai na a kaba fu den dei.”+