Psalm

1 Koloku+ fu a man di no teki a rai fu den ogriwan,+

Iya, di no teki a pasi fu sondari+

Èn di no sidon nanga spotuman.+

 2 Na presi fu dati a lobi a wèt fu Yehovah.+

Dei nanga neti a e leisi a wèt fu Gado nanga wan safri sten.+

 3 So wan sma o kon de leki wan bon di prani na sei watra,+

Di e gi froktu te a ten fu en doro+

Èn di den wiwiri fu en no e kon drei.+

Ala sani di a man e du, o waka bun.+

 4 Ma a no so a de nanga den ogriwan,

Bika den de leki aleisibuba di a winti e wai gowe.+

 5 Dati meki den ogriwan o kisi krutu te a ten doro fu krutu sma.+

Den sondari no o de na mindri den reti-ati sma.+

 6 Yehovah sabi a pasi di den reti-ati sma e teki,+

Ma a pasi di den ogriwan e waka, o meki taki den kisi pori.+