Psalm

93 Yehovah srefi tron kownu!+

A glori fu en de leki wan krosi na en skin.+

Iya, leki wan krosi Yehovah weri en. A tai en bere nanga a krakti fu en.+

Now grontapu tanapu so steifi, taki nowan sma man seki en.+

 2 Sensi owruten yu kownumakti seti steifi kaba.+

Sensi ten yu ben de kaba.+

 3 Yehovah, den liba meki babari.

Den liba meki bun bigi babari.+

Ibri tron baka a watra e naki moro tranga.+

 4 Ma Yehovah, yu tranga moro a babari fu den bigi watra, iya, fu den bigi skwala fu se.+

Na ini hemel yu bigi.+

 5 Den wèt fu yu no kenki.+

Yehovah, a fiti taki yu oso de wan santa presi+ fu ala ten.+