Psalm
Gi a fesiman fu den pokuman. Wan psalm fu Yehovah en futuboi David.
36 Dipi na ini na ati fu na ogri sma, wan sten e taigi en fu du ogri.+
A no abi lespeki gi Gado kwetikweti.+
2 A e kori ensrefi taki a betre moro tra sma.+
Dati meki a no e si den fowtu fu en èn a no e tegu gi den tu.+
4 Srefi te a de na tapu en bedi, a e prakseri sortu ogri a o go du.+
A e teki wan pasi di no bun.+
A no e wai pasi gi ogridu.+
5 Yehovah, a bun-ati di yu e sori sma, e doro te na hemel srefi.+
Den sani di yu du fu horibaka gi sma furu so te, taki den e doro te na den wolku.+
6 Gado, a retidu fu yu de leki den bergi di yu meki.+
Den wèt fu yu de leki den presi pe dipi watra de.+
Yehovah, na yu e frulusu den libisma nanga den meti.+
7 Gado, a bun-ati di yu e sori sma, na wan warti sani gi mi.+
Libisma e lon kon kibri na ondro den frei fu yu.+
8 Den e dringi den bere furu nanga den moro bun sani na ini yu oso.+
Yu meki den dringi fu a prisiri fu yu di furu leki wan liba.+
10 Tan sori bun-ati gi den wan di sabi yu+
Èn tan du san reti gi den wan di e dini yu nanga den heri ati.+