1 Korentesma
12 Brada, mi wani taki un musu sabi den difrenti sani di a yeye kan meki sma du.+ 2 Unu sabi taki di unu no ben de Kresten,+ unu ben e anbegi falsi gado+ di no man taki.+ 3 Fu dati ede mi wani fu unu sabi, taki te wan sma e taki nanga yepi fu a yeye fu Gado, dan a sma dati noiti o taki: „Fluku de na tapu Yesus!”,+ èn nowan sma kan taki: „Yesus na Masra!” efu a santa yeye no meki en taki dati.+
4 We, sma man du difrenti sani,+ ma na wán yeye nomo de.+ 5 Difrenti diniwroko de,+ ma toku na wán Masra nomo de.+ 6 Difrenti fasi de fa a yeye e wroko,+ ma toku wán Gado+ nomo de di e yepi ala sma fu du ala den wroko disi.+ 7 Ma den sani di a santa yeye e meki ibriwan fu den du, de krin fu si èn Gado e gi den dati fu du bun.+ 8 Fu eksempre, a santa yeye e meki wan sma taki nanga koni,+ èn a srefi yeye e meki wan tra sma taki nanga sabi.+ 9 A srefi yeye e gi a wan sma bribi,+ èn a srefi yeye e gi wan tra sma krakti fu meki sma kon betre.+ 10 Wan tra sma man du bigi wondru,+ èn wan trawan man taki profeititori.+ Wan trawan baka e kisi a koni fu man si krin+ efu den sani di wan sma taki komoto fu Gado trutru.+ Wan trawan man taki difrenti tongo,+ èn wan trawan man fruklari+ san sma e taki na ini tra tongo. 11 Ma na a srefi yeye e meki den sma du ala den sani disi,+ èn a e gi+ ibri sma san a wani.+
12 A skin de wán, ma a abi furu pisi. Aladi den furu, toku den na wán skin.+ Na so a de tu nanga Krestes.+ 13 Nanga yepi fu wán yeye wi alamala dopu+ kon tron wán skin, awinsi wi na Dyu noso Grikisma èn awinsi wi na srafu noso friman. Wi alamala kisi wán yeye fu dringi.+
14 Iya, a skin no de wán pisi nomo, ma a abi furu pisi.+ 15 Efu a futu ben o taki: „Fu di mi no de wan anu, meki mi no de wan pisi fu a skin”, dan dati no wani taki dati a no de wan pisi fu a skin.+ 16 Efu a yesi ben o taki: „Fu di mi no de wan ai, meki mi no de wan pisi fu a skin”, dan dati no wani taki dati a no de wan pisi fu a skin.+ 17 Efu a heri skin ben de wan ai, dan fa yu ben o man yere? Efu a heri skin ben de wan yesi, fa yu ben o man smeri? 18 Ma Gado poti ibri pisi fu a skin pe den musu de soleki fa en wani.+
19 Efu ala den pisi ben de wán pisi nomo,+ dan yu ben o kari en wan skin? 20 Ma now furu pisi de,+ toku wán skin nomo de. 21 Na ai no kan taigi na anu: „Mi no abi yu fanowdu”. Sosrefi, na ede no kan taigi den futu: „Mi no abi unu fanowdu.” 22 Na presi fu dati, den pisi fu a skin di gersi fu de den moro swakiwan,+ na den wan di wi abi fanowdu. 23 Den pisi fu a skin di wi e si leki den wan di no de so prenspari, na den wan di wi e gi moro grani.+ Sobun, den pisi fu wi skin di no moi so, na den wan di wi e sorgu moro bun. 24 Ma den pisi fu wi skin di moi kaba, no abi noti fanowdu. Toku Gado meki a skin na so wan fasi taki a pisi di no de so prenspari, e kisi moro grani. 25 Na so pratifasi no de na ini a skin, ma den pisi fu a skin musu sorgu bun gi makandra.+ 26 Efu wán pisi fu a skin e pina, ala den tra pisi e pina+ tu. Noso efu wán pisi fu a skin e kisi glori,+ dan ala den tra pisi e prisiri tu.+
27 We, unu na a skin fu Krestes èn ibriwan fu unu na wan pisi fu en skin.+ 28 Gado poti difrenti sma na ini a gemeente.+ Na a fosi presi a poti apostel,+ na a di fu tu presi profeiti,+ na a di fu dri presi leriman.+ Dan yu abi den sma di e du wondru,+ den sma di kisi a krakti fu meki trawan kon betre,+ den sma di man yepi trawan,+ den sma di man teki fesi,+ nanga den sma di man taki difrenti tongo.+ 29 A no alamala na apostel, a no so? A no alamala na profeiti, a no so? A no alamala na leriman, a no so? A no alamala e du wondru, a no so? 30 A no alamala kisi a krakti fu meki sma kon betre, a no so? A no alamala man taki tra tongo,+ a no so? A no alamala man fruklari san sma taki na ini tra tongo,+ a no so? 31 Ma tan du muiti fu kisi den bigi sani disi di a yeye e meki sma du.+ Toku mi e sori unu wan pasi di bun moro ala trawan.+