Yeremia

10 Un Israelsma, arki a boskopu fu Yehovah. 2 Disi na san Yehovah taki: „Un no musu du nowan sani di den tra pipel e du.+ No frede den sani di unu e si na hemel, soso fu di den tra pipel e frede den.+ 3 Bika den sani di den tra pipel gwenti du+ na fu soso. Den e koti wan bon+ na busi, èn nanga wan beitri den e meki popki fu anbegi den.+ 4 Den e meki den popki kon moi nanga solfru èn nanga gowtu.+ Nanga amra den e spikri den fu fasi den, so taki den no seki.+ 5 Den de leki den popki di sma e poti na den komkomro-gron fu skreki fowru. Den no man taki+ èn den no man waka.+ Na sma abi fu tyari den go poti na wan presi. No frede den, bika den no man du unu nowan ogri, èn boiti dati, den no man du nowan bun.”+

6 Nowan sma de leki yu, Yehovah.+ Yu bigi èn yu nen abi furu krakti.+ 7 Suma no sa lespeki yu+ di de Kownu fu den pipel?+ Na yu sma musu frede, bika nowan koniman noso kownu fu den pipel de leki yu.+ 8 Nowan fu den abi frustan. Den alamala don.+ Den popki di den meki fu wan bon, e meki den du soso sani.+ 9 Fu Tarsis+ den tyari solfru di smeti naki kon plata, èn fu Ufas+ den tyari gowtu di smeti e gebroiki fu tapu udu. Den e weri krosi di meki fu blaw titei èn fu skapu-wiwiri di ferfi kon redi gi den gado fu den. Na sma di sabi du den wroko bun meki ala den gado disi.+

10 Ma Yehovah na Gado trutru.+ En na a libilibi Gado+ èn Kownu fu ala ten.+ Grontapu o seki+ te en ati bron. Nowan pipel o man tan tanapu te a o krutu den.+ 11 Disi na san un musu taigi den pipel: „Den gado+ di no meki hemel nanga grontapu o kisi pori. Nowan fu den o de moro na grontapu.+ A o figi den puru na ondro hemel. 12 En na a Mekiman di gebroiki en krakti fu meki grontapu.+ En na a sma di gebroiki en koni+ fu seti grontapu steifi na en presi. En na a sma di gebroiki en sabi fu bradi hemel+ leki wan krosi. 13 Te a opo en sten a watra na hemel e rigeri+ èn te na den moro farawe presi fu grontapu a e meki watra tron dampu.+ A meki sroisi gi na alen+ èn a e meki winti komoto na den maksin fu en.+

14 Nowan sma abi sabi. Dati meki den e tyari densrefi na wan don fasi.+ Ibriwan fu den smeti o syen gi a popki+ di a meki, fu di a popki na wan soso sani+ èn a no abi libi.+ 15 Den na soso sani. Sma o spotu den.+ Te Gado o strafu den, den o dede.+

16 A Gado fu Yakob+ no de leki den sani disi, bika en na a Mekiman fu ala sani+ èn a gudu fu en na Israel.+ Yehovah di e tiri den legre na en nen.+

17 Ai, uma di de na ini banawtu,+ teki den lai fu yu na gron.+ 18 Bika Yehovah taki: „Luku, mi o trowe den sma fu grontapu now.+ Mi o meki den de na ini banawtu, so taki den kan leri wan sani.”+

19 Helu fu mi, bika mi kisi mankeri!+ Mi kisi bigi mankeri. Mi taki: „Na mi abi a mankeri èn na mi o tyari en.+ 20 Mi eigi tenti broko èn den tenti-titei koti na tu.+ Mi eigi manpikin gowe libi mi èn den no de moro.+ Nowan sma de moro fu bradi mi tenti noso fu seti den tentikrosi. 21 Den skapuman e du leki den no abi frustan.+ Den no e suku Yehovah srefi.+ Dati meki den e du don sani èn ala den skapu fu den panya na ala sei.”+

22 Arki! Wan boskopu! A e kon nanga bigi babari fu a kondre fu noordsei.+ A e kon fu meki den foto fu Yuda tron brokopresi èn wan tanpe gi sabanadagu.+

23 Yehovah, mi sabi heri bun taki a no de na wan libisma fu taki sortu pasi a o teki. A no de na wan libisma di e waka fu taki srefi pe a o poti en futu.+ 24 Yehovah, poti mi na a reti pasi baka. Du dati na wan reti fasi.+ No du dati nanga atibron,+ noso mi o tron noti.+ 25 Puru atibron na tapu den pipel+ di no poti prakseri na yu+ èn na tapu den lo di no kari yu nen srefi.+ Bika den pori Yakob.+ Iya, den pori en krinkrin, den kiri en,+ èn den meki a tanpe fu en tron wan brokopresi.+