1 Yohanes
2 Mi pikin, mi e skrifi unu den sani disi, so taki unu no du wan sondu.+ Ma toku, efu wan sma du wan sondu, dan wi abi wan yepiman+ na a Tata, dati na Yesus Krestes, wan reti-ati sma.+ 2 En na wan ofrandi+ di e tapu den sondu fu wi+ èn di e meki wi kon bun baka nanga Gado.+ Ma a no de wan ofrandi gi den sondu fu wi+ wawan, ma sosrefi gi den sondu fu heri grontapu.+ 3 Te wi e tan hori den komando fu en,+ dan wi sabi taki wi kon sabi en. 4 Efu wan sma taki: „Mi sabi Krestes”,+ ma a no e hori den komando fu en,+ dan a sma dati na wan leiman. Dan a libi fu a sma disi no e kruderi nanga san tru.+ 5 Ma te wan sma e du san Krestes taki,+ dan a o de krin fu si taki a lobi Gado trutru.+ Na so wi sabi taki wi de wán nanga en.+ 6 Efu wan sma e taki dati a de wán+ nanga en, dan en srefi musu tan waka neleki fa Krestes ben e waka.+
7 Lobiwan, mi no e skrifi unu fu wan nyun komando, ma fu wan owru komando+ di unu ben kisi sensi a bigin.+ Na owru komando disi na a wortu di unu yere. 8 Ma toku mi e skrifi unu fu wan nyun komando. Yesus srefi gi yesi na a komando disi èn unu e gi yesi na en tu, bika dungru+ e pasa gowe èn a tru leti+ e skèin kaba.
9 Efu wan sma taki dati a de na ini a leti, ma toku a e teige+ en brada, dan a sma dati de na ini a dungru te now ete.+ 10 Efu wan sma lobi en brada, dan a e tan na ini a leti.+ Nowan sani no de di o meki a sondu.+ 11 Ma efu wan sma e teige en brada, dan a sma dati de na ini a dungru èn a e waka na ini a dungru tu.+ A no sabi pe a e go,+ bika dungru breni en ai.
12 Mi pikin, mi e skrifi unu, bika unu kisi pardon fu un sondu fu en nen ede.+ 13 Un papa, mi e skrifi unu, bika unu kon sabi a sma di de sensi a bigin.+ Un yonkuman,+ mi e skrifi unu, bika unu wini na ogriwan.+ Un pikin,+ mi e skrifi unu, bika unu kon sabi a Tata.+ 14 Un papa,+ mi e skrifi unu, bika unu kon sabi a sma di de sensi a bigin.+ Un yonkuman, mi e skrifi unu, bika unu tranga+ èn a wortu fu Gado e tan na ini un ati,+ èn unu wini na ogriwan.+
15 No lobi grontapu nanga den sani fu grontapu.+ Efu wan sma lobi grontapu, dan a no lobi a Tata,+ 16 bika ala den sani di de fu grontapu,+ sobun a lostu fu a skin,+ a lostu fu den ai+ èn a prodo di wan sma e prodo nanga den gudu di a abi,+ no e kon fu a Tata, ma den sani disi e kon fu grontapu.+ 17 Boiti dati, grontapu e pasa gowe nanga den lostu fu en,+ ma a sma di e du a wani+ fu Gado o tan fu têgo.+
18 Un pikin, wan syatu pisi ten de ete.+ Soleki fa unu ben yere, dan a feanti fu Krestes* ben o kon.+ We, nownow kaba furu feanti fu Krestes de.+ Na so wi kon sabi taki wan syatu pisi ten de ete. 19 Fosi, den sma disi ben de nanga wi, ma den gowe libi wi fu di den no ben de leki wi,+ bika efu den ben de leki wi, dan den ben o tan nanga wi.+ Ma den gowe libi wi, so taki a ben o kon na krin taki a no den alamala de leki wi.+ 20 A santawan salfu unu.+ Un alamala sabi a tru leri.+ 21 A no fu di unu no sabi san tru,+ meki mi e skrifi unu, ma mi e skrifi unu fu di unu sabi dati kaba+ èn fu di nowan lei e kon fu sani di tru.+
22 Suma na a leiman? A no a sma di e taki dati a no e bribi taki Yesus na a Krestes?+ A feanti fu Krestes+ na a sma di e taki dati a no e bribi na ini a Tata nanga a Manpikin.+ 23 Ibriwan sma di e taki dati a no e bribi na ini a Manpikin, no de wán nanga a Tata.+ Efu wan sma e taki krin+ dati a e bribi na ini a Manpikin, dan a sma dati de wán nanga a Tata.+ 24 Ma un musu meki a sani di unu ben yere sensi a bigin, tan na ini unu.+ Efu a sani di unu ben yere sensi a bigin, e tan na ini un ati, dan unu o tan de wán+ nanga a Manpikin èn nanga a Tata.+ 25 Boiti dati, a sani di a pramisi wi na têgo libi.+
26 Mi e skrifi unu fu taki fu den sma di e pruberi fu kori unu.+ 27 Ma Gado salfu+ unu nanga en yeye èn a yeye dati e tan na ini unu. Unu no abi nowan sma fanowdu di musu gi unu leri.+ Ma a salfu unu èn a sani dati de tru,+ iya, a no wan lei. A yeye e leri unu ala sani.+ Soleki fa a yeye leri unu, un musu de wán+ nanga a sma di salfu unu. 28 We dan, un pikin,+ tan de wán+ nanga en, so taki te a sori ensrefi,+ wi kan taki fri.+ Wi no o de leki sma di e gowe libi en na a ten te a o kon+, fu di wi e syen. 29 Unu sabi taki a e du san reti.+ Na so unu kan kon sabi taki ibriwan sma di e du san reti, na wan pikin fu Gado.+