Yakobus
1 Mi, Yakobus,+ wan srafu+ fu Gado èn fu Masra Yesus Krestes, e skrifi den twarfu lo+ di panya+ na ala presi:
Odi!
2 Un musu prisiri srefisrefi, mi brada, te ala sortu tesi e miti unu,+ 3 fu di unu sabi taki a bribi fu unu di kisi tesi na a fasi disi, e meki taki unu man horidoro.+ 4 Ma un musu tan horidoro te na a kaba, so taki unu kan kon bun dorodoro+ èn unu kan de sondro fowtu. Dan unu no o mankeri noti.+
5 Fu dati ede, efu wan fu unu e mankeri koni,+ dan meki a tan aksi Gado+ fu dati, bika te Gado e gi sma sani, a e du dati nanga en heri ati èn sondro fu suku fowtu na den.+ Sobun, Gado o gi a sma a koni dati.+ 6 Ma meki a tan aksi+ nanga bribi. A no musu tweifri kwetikweti,+ bika a sma di e tweifri de leki wan skwala fu se di winti e wai go,+ wai kon. 7 Fu taki en leti, a sma dati no musu denki taki a o kisi wan sani fu Yehovah.+ 8 A sma dati no sabi san a wani+ èn na ini ala sani di a e du a e degedege.+
9 Ma meki a mofina brada prisiri te den hei en.+ 10 Meki a gudu brada+ prisiri te den lagi en, fu di a o dede gowe neleki wan bromki fu a sabana,+ 11 bika te a son e opo kon èn a e kon faya srefisrefi, a e drei den sani di e gro na gron. Den bromki fu den e fadon èn a moi fu den e lasi gowe. Na so guduman o lasi gowe tu te den e waka den eigi pasi.+
12 Koloku fu a sma di e tan horidoro te tesi miti en,+ bika te Yehovah feni en bun, dan a o pai* en nanga libi+ di a pramisi den wan di e tan lobi en.+ 13 Te tesi+ e miti wan sma, a no musu taki: „Na Gado e tesi mi”, bika nowan sma kan tesi Gado nanga ogri sani èn Gado srefi no e tesi sma tu. 14 Ma ibri sma e kisi tesi fu di en eigi lostu e hari en èn e kori en.+ 15 Te a kweki a lostu, a e tyari sondu kon te fu kaba.+ Te a sondu du kaba, dan dati e tyari dede kon.+
16 No kori unsrefi,+ mi lobi brada. 17 Ibri bun presenti+ nanga ibri kado di bun dorodoro e kon fu tapusei,+ bika a e saka kon fu a Tata fu den leti na hemel.+ A Tata e tan wán fasi nomo. A no e kenki soleki fa skaduw e kenki.+ 18 Nanga a tru leri Gado sorgu taki wi kon de,+ fu di a ben wani+ dati. Na so fasi wi ben kan kon de leki den fosiwan+ di a teki puru na mindri den wan di a meki.
19 Mi lobi brada, sabi taki ibriwan sma musu de gaw fu yere. A no musu de gaw fu taki+ èn a no musu de gaw fu kisi atibron,+ 20 bika na atibron fu libisma, e meki den du sani di Gado no feni bun.+ 21 Fu dati ede, tapu nanga a morsu libi fu unu èn nanga a takrudu+ di de na ala sei. Na wan safri-ati fasi un musu gi Gado wortu na okasi fu teki rutu na ini un ati,+ fu di dati kan kibri un libi.+
22 Sorgu nomo taki unu tron sma di e du san a wortu fu Gado e taki.+ Un no musu de sma di e yere nomo, fu di unu e kori unsrefi nanga prakseri di no tru,+ 23 bika efu wan sma e yere a wortu fu Gado, ma a no e du san a wortu fu Gado e taki,+ dan a de leki wan sma di e luku en eigi fesi na ini wan spikri. 24 A e luku ensrefi, dan a e gowe èn wantewante a frigiti san a si. 25 Ma efu wan sma e luku finifini san skrifi na ini a wèt+ di bun srefisrefi èn di e meki sma kon fri èn a e tan du dati, dan a no de wan sma di e frigiti san a yere, ma wan sma di e du san Gado wortu e taki.+ A o de koloku+ te a e du dati.
26 Efu wan sma denki taki a e anbegi+ Gado, ma a no e basi en tongo,+ dan a e kori ensrefi.*+ A sma disi e anbegi Gado fu soso.+ 27 A fasi fu anbegi di wi Gado nanga Tata e si leki wan sani di krin+ èn di de sondro flaka,+ na disi: fu sorgu gi pikin di no abi papa nanga mama moro+ èn gi uma di den masra dede kaba,+ te den sortu sma disi de na nowtu.+ Boiti dati, un no musu meki grontapu+ flaka+ unu.